Шетелдік дереккөздердің мәліметтеріне сәйкес (https://infobezopasnost.ru/blog/news/kiberataka-ghostpairing-pozvolyaet-moshennikampoluchit-polnyj-dostup-k-whatsapp-bez-vzloma-parolya/, https://www.securitylab.ru/news/567291.php, https://securitymedia.org/news/list/atakaghostpairing-pozvolyaet-nezametno-zakhvatyvat-akkaunty-whatsapp.html)

Киберқылмыскерлер «WhatsApp» аккаунттарын басып алудың жаңа қылмыстық схемасын іске қосты.

Бұл әдіс «GhostPairing» деп аталады және ол парольдерді бұзуды, SIM-картаны ауыстыруды немесе күрделі техникалық шабуылдарды қажет етпейді.

Сіздің «WhatsApp»-ыңызға заңды түрде, қосымша құрылғыларды байланыстыру функциясын белсендіру арқылы кіреді.

Сценарийі қарапайым: пайдаланушыға «Facebook» немесе «WhatsApp» атынан жасырылған хабарлама жіберіледі, ол визуалды түрде «Facebook» пен «WhatsApp» интерфейсін көшіретін жалған беттерге бағыттайды.

Контентке қолжетімділікті растау үшін жалған сайт телефон нөмірін және растау кодын енгізуді сұрайды. Осыдан кейін қаскүнем жәбірленушінің аккаунтына сенімді құрылғы ретінде автоматты түрде қосылып, «WhatsApp»-қа толық қолжетімділік алады (хабарламаларды оқу, медиафайлдарды, контактілерді қарау, хабарлама жіберу, фотогалереяға қол жеткізу). Бұл ретте телефон әдеттегідей жұмысын жалғастырады және күдік тудырмайды.

«WhatsApp»-тың басып алынғанын анықтаудың жалғыз жолы — «Байланыстырылған құрылғылар» бөлімін қолмен тексеру.

Кез келген белгісіз қосылым — аккаунттың бұзылғанын көрсетеді және оны дереу жою қажет.

Киберқауіпсіздік талаптарын сақтаңыз:
- белгісіз кіріс хабарламаларға, қоңырауларға және түрлі хабарландыруларға сын көзбен қараңыз;
- «WhatsApp» кодын бөгде сайттарда енгізбеңіз, қосымшадан тыс код сұрау — әрқашан алаяқтық;
- екі факторлы аутентификацияны қолданыңыз;
- аккаунтыңыздың белсенділігін үнемі тексеріп отырыңыз;
- қорғаныш бағдарламалық қамтамасыз етуді пайдаланыңыз. Сақ болыңыз!

Бір ғана қателіктің құны — Сіздің жеке хат-хабарларыңыз толық бақылауда.