«Digital-кафедра» байқауының негізгі мақсаты колледждің білім беру процесінде ақпараттық-коммуникациялық технологияларды пайдаланудың тиімді педагогикалық тәжірибесін анықтау, қолдау және тарату болды. Байқау шеңберінде қатысушылар цифрлық технологиялардың оқытуды заманауи, көрнекі және нәтижелі етуге қалай көмектесетінін көрсетті.

Конкурстық сынақтар барысында мынадай міндеттер іске асырылды: АКТ саласындағы оқытушылардың кәсіби шеберліктерін жетілдіру, шығармашылық тәсілдерді ынталандыру және оқытушылардың кеңселік бағдарламаларды пайдалануға қызығушылығын арттыру: MS Word, MS Excel, MS PowerPoint.

Байқауға колледждің 8 кафедрасы қатысты. Конкурстық жұмыстарды бағалау қорытындысы бойынша:

• I дәрежелі диплом - мектепке дейінгі тәрбие кафедрасы;
• II дәрежелі диплом - педагогика және психология кафедрасы;
• III дәрежелі диплом - дене шынықтыру және спорт кафедрасы.

«Digital-кафедра» байқауы оқытушылардың кәсіби біліктілігінің жоғары деңгейін және олардың жұмыс құжаттамасын тез әрі сапалы жасай білуінің маңыздылығын растай отырып, білім беру процесіне цифрлық технологияларды енгізуге дайындығын көрсетті.

Математика және ақпараттық технологиялар
кафедрасының оқытушысы
Жуванышева У.С.