Аталған кездесуге Ахмет Байтұрсынов атындағы Қостанай аймақтық университетінің тәжірибелі оқытушылары қатысты. Атап айтқанда, «Мектепке дейінгі және бастауыш білім беру» кафедрасының меңгерушісі Ли Е.Д., «Шет тілдер» кафедрасының аға оқытушысы Абдибекова А.Е., сондай-ақ «Өнер» кафедрасының аға оқытушылары Жакаева К.А. мен Айсина С.Т. студенттермен жүздесті.

Кездесу барысында университетте жүзеге асырылып жатқан білім беру бағдарламалары, педагогикалық мамандықтардың ерекшеліктері, академиялық ұтқырлық мүмкіндіктері және оқуға қабылдау талаптары туралы жан-жақты ақпарат берілді. Сонымен қатар, студенттердің болашақ кәсіби жолын дұрыс таңдауға бағытталған пайдалы кеңестер ұсынылды.

Шара интерактивті форматта өтіп, студенттер өздерін қызықтырған сұрақтарға толық әрі нақты жауаптар алды. Мұндай кәсіптік бағыт-бағдар беру кездесулері түлектердің жоғары оқу орнын саналы таңдауына және болашақ мамандығына нық қадам жасауына ықпал етеді.

Кездесу соңында ұйымдастырушылар мен қонақтар студенттерге сәттілік тілеп, алдағы оқу жолында табысқа жетулеріне ниет білдірді.

Қостанай жоғары педагокалық колледжінің
практика бойынша әдіскері
Кенжегарина А.А.